25 nëntor; Dita Ndërkombëtare për Eliminimin e Dhunës ndaj Grave

Dita Ndërkombëtare për Eliminimin e Dhunës ndaj Grave.

Kombet e Bashkuara e njohën zyrtarisht 25 nëntorin si Ditën Ndërkombëtare për Eliminimin e Dhunës ndaj Grave më 17 tetor 1999, duke e përfshirë atë në kalendarin e festimeve të organizatës, në mënyrë që qeveritë dhe njerëzit në mbarë botën t'i kushtojnë vëmendje çdo vit kësaj çështjeje të rëndësishme.

Pas këtij vendimi, një vit më vonë, në vitin 2000, Këshilli i Sigurimit i Kombeve të Bashkuara miratoi Rezolutën 1325 të titulluar “Gratë, paqja dhe siguria”. Pikat kryesore të kësaj rezolute kanë të bëjnë me parandalimin e konflikteve dhe armiqësive brenda dhe ndërmjet vendeve, sigurimin e pjesëmarrjes së grave në jetën politike dhe shoqërore, si dhe parandalimin e dhunës ndaj tyre. Kjo rezolutë ofron një bazë për të siguruar që format e ndryshme të dhunës ndaj grave të mos mbeten pa u ndëshkuar dhe që përgjegjësit të sillen para drejtësisë.

Sipas përkufizimit të Kombeve të Bashkuara, dhuna ndaj grave është çdo sjellje që shkakton dëm fizik, seksual ose psikologjik tek gratë.

Këto ditë, bota është dëshmitare e dhunës më të ashpër dhe të paprecedentë ndaj grave të pambrojtura palestineze dhe libaneze. Miliona gra kanë humbur shtëpitë e tyre nga sulmet brutale të regjimit uzurpues sionist, kanë humbur fëmijët, burrat dhe në disa raste të gjithë anëtarët e familjes dhe po përjetojnë presione të tjera psikologjike këto ditë. Shumë prej këtyre grave gjithashtu pësuan dëmtime të mëdha fizike gjatë këtyre sulmeve të egra, bombardimeve dhe të qenurit nën rrënoja.

Historia e dhunës së paprecedentë kundër grave të pambrojtura palestineze daton më shumë se shtatëdhjetë e pesë vjet, kur ato u zhvendosën nga shtëpitë e tyre në veprime në kundërshtim me ligjin ndërkombëtar dhe anëtarët e familjeve të tyre u vranë në një luftë shkatërruese. Dhe kjo padrejtësi historike vazhdon edhe sot e kësaj dite.

Bota ende pret një reagim serioz nga Këshilli për të Drejtat e Njeriut, Komiteti për Eliminimin e Diskriminimit ndaj Grave dhe Raportuesi Special për dhunën ndaj grave.

Këtë vit, në Ditën Ndërkombëtare për Eliminimin e Dhunës ndaj Grave, është një mundësi e çmuar për njerëzit e lirë të botës që të ngrihen kundër kësaj dhune të rëndë, sistematike dhe të paprecedentë, dhe duke mbrojtur këto gra viktima të dhunës psikologjike dhe fizike, dërgimi i ndihmave humanitare dhe puna për t'i dhënë fund rrethimit të padrejtë, ndjekja e dënimit të përgjegjësve të kësaj dhune. Shpresojmë se bota së shpejti do të jetë dëshmitare e ekzekutimit të vendimit të Gjykatës Ndërkombëtare Penale në lidhje me arrestimin e disa prej atyre që janë përgjegjës për këto krime dhe dhunë.

pjesë